Maxamed C. Omar "Mucaawinada Somaliland Muqdisho ma soo mareyso, si toos ayay u heleysaa"
Wasiirka Arrimaha dibada Somaliland Maxamed C/llaahi Cumar ayaa sheegay in Mucaawinada Somaliland ka hesho Caalamka aanay soo mari doonin dowladda Soomaaliya, kadib shir jaraa'id oo ay si wada jir ah ay Hargeysa ugu qabteen Wakiilka Midowga Yurub u fadhiya Soomaaliya
Mr Cumar ayaa sheegay in Midowga Yurub uu u balan qaaday inuu taageero siiyo Somaliland, isla markaana si toos ah mucaawinada u soo gaarsiiyo dowladda Somaliland.
"Mucaawinada Somaliland si toos ah bey u heli doontaa, mana soo mareyso Muqdisho ama dowladda Soomaaliya"ayuu yiri
Wasiirka Arrimaha dibada Somaliland ayaa sidoo kale sheegay in Midowga Yurub ku casuumay shir caalami ah oo ka dhici doona dalka Belgium.
Wakiilka Midowga Yurub ee Soomaaliya Michele Cervone d’Urso ayaa sheegay in Somaliland ay ka gacan siinayaan dhinaca dhaqaalaha.
Mid ka mid ah qodobadii ka soo baxay shirkii Ankara ee Somaliland iyo Soomaaliya uu dhigayay in mucaawinada ay hesho dowladda Soomaaliya inay wax ka siiyaan Somaliland.
