Nov 30(Jowhar)-Ciidamada Xoogga Dalka ayaa howlgallo ka dhan ah Khawaarijta ka wada deegaanno ka tirsan Gobolka Shabeellaha Dhexe, gaar ahaan Deegaanka Xawaadley oo duqeymo iyo weerar toos ah loogu geysaday cadowga.
Saraakiil ka tirsan Ciidamada Xoogga Dalka ayaa sheegay in howlgalkaani uu kusii dhowaanayo deegaanno dhowr ah oo Khawaarijtu ay ku dhuumaaleysanayeen, balse hadda ay isaga baxeen.
Ciidamo kooban oo kuwa deegaanka ah ayaa wehliya Ciidanka Xoogga Dalka ee howlgallada ka dhanka ah Khawaarijta ka wada Gobolka Shabeellaha Dhexe, masuuliyiin ka tirsan HirShabeelle oo qeyb ka ah dagaalka ayaa sheegay inay ka go’an tahay in dhulkaas laga sifeeyo argagixisada.
