Baarlamaanka Jubbaland oo maanta dhagaysanaya hadaljeedinta 8 musharax oo Aqalka Sare u tartamaysa

Xildhibaannada Baarlamaanka dowlad Goboleedka Jubbaland ayaa maanta oo Arbaco ah dhegeysanaya khudbadaha Siddeed musharax xubnaha u tartamaya Aqalka sare ee laga soo doorto maamulkaas.

Musharrixiintaas oo gaaraya 8 Xubnood ayaa ku tartami doona Afarta Kursi ee Jubbaland uga harsan 8 kursi uu Maamulka Jubbaland ku leeyahay Aqalka Sare.

Shan ka mid ah musharaxiintan ayaa ah dumar iyadoo 2 ka mid ah kuraasta loo tartamaya ay gaar u tahay haween ayaa waxa ay kala yihiin;

1: Layla Nuux Maax
2- Xareedo Maxamed Sheekh

1:Ibrahim Awgaab Cismaan
2-Farxiya Macalim Cabdi

1: Maryan Faarax Kadiye
2;Samsam Maxamed Bishaar

1: Xasan Daahir Yarow
2-Cali Maxamed Cali

Berri oo ah khamiis 21ka Oktoobay ayaa la qorsheeyay in ay dhacdo doorashada afartan kursi ee ka harsanayd kuraasta Aqalka Sare ee laga soo dooranayay Jubbaland.