Daawo Sawirada Isbitaalka loo aqoonsaday dhismaha cusub ugu wanaagsan ee adduunka

Machadka Royal ee naqshadaha Ingiriiska (RIBA) ayaa u magacaabay dhismaha cusub ee ugu wanaagsan adduunka isbitaal ay leeyihiin bulshada ku nool deegaan fog oo ku yaal dalka Bangaladesh.

Isbitaalka Friendship wuxuu ku yaalaa tuulada Shyamnagar ee koonfur-galbeed ee Bangladesh degmada Satkhira – aag u nugul duufaanada soo noqnoqda iyo kor u kaca heerarka badda.

Isbitaalkan oo ka kooban 80 sariirood oo ku yaala aagga ay duufaantu u nugul tahay ayaa lagu dhisay leben gudaha lagu sameeyay.

“Waxaan shaqaaleysiinnay dhammaan farsamayaqaanada maxalliga ah, iyo qalabka laga heli karo deegaanka, Dadka ku nool halkaana waxay ahaayeen dad reer tuulo ah, waana inaan hubinno inay tan u aqbali doonaan meel ay daryeel ugu imaan karaan,” Kashef Chowdhury, oo ah madaxa naqshadeynta mashruuca, ayaa u sheegay Al. Jazeera.

Kanaal ayaa dhex mara cusbitaalka si uu u kala saaro qaybaha bukaan-jiifka iyo bukaan-socodka ee cusbitaalka.

“Kanaalka ayaa ka caawiya qaboojinta Waxay ka caawisaa in laga fogaado nooc kasta oo qaboojiyaha iyo isticmaalka tamarta guud ahaan xarunta isbitaalka,” ayuu yidhi Chowdhury.

“Waxaan soo bandhignay barxad, beero, barkado iyo geedo, cagaar badan oo soo jiita iftiinka qoraxda iyo hawada dhammaan meelaha bannaan.”ayuu sii raaciyay.
Abaalmarintan qaaliga ah ayaa waxaa u dabaaldagay dadka ku nool deegaanka iyo kuwa ka shaqeeya.

“Ka hor ma aanan arag isbitaal kan oo kale ah. Waxay si aad ah ugu dhexjirtaa dabeecadda, wax macmal ah looma isticmaalo, xitaa lebenku waa dabiici. Waa nadiif, oo qurux badan – gudaha iyo dibaddaba – marka la barbar dhigo dhismayaasha kale ee aagga,” ayuu yiri Golam Rasul oo ka mid ah beerlayada ku nool deegaankaas.

This website uses cookies to improve your experience. We'll assume you're ok with this, but you can opt-out if you wish. Accept Read More