Dagaal culus oo ka socda deegaanka Basra iyo saraakiil ku dhaawacantay

Oct. 07 (Jowhar.com) -Dagaal yahano ka tirsan Al-Shabaab ayaa goordhow weerar culus oo qaraxyo ku bulowday ku qaaday inta u dhexeysa deegaanka Basra iyo degmada Balcad oo fariisimo ay ka sameysteen ciidamadda dowladda Soomaaliya.

Sida wararku sheegayaan, waxaa halkaasi ka socda dagaal culus oo la isu adeegsanayo hubka noocyadiisa kala duwan, iyadoo uu jiro khasaare dhimasho iyo dhaawacba leh oo dagaalka sababay, kaasoo kala gaaray dhinacyada dagaalamaya.

Dadka dagaalkan ku dhaawacmay waxaa kamid ah sarkaal ka tiraan NISA oo lagu magacaabo Xasan Fanax, kaasoo haatan ku magacaaban taliyaha Nabad Sugida degmada Kaxda, wuxuuna kamid ahaa saraakiisha wax ka abaabuleysay gulufka ka dhanka ah kooxda Shabaab.

Shabaab oo war ka soo saartay weerarkan waxey ku sheegeen iney ku dileen 12 askari oo ka tirsan ciidamadda dowladda, iyagoo ka gaabsaday iney bixiyaan xogta dhankooda khasaaraha soo gaaray, mana jiro wax war ah oo dowladda ay ka soo saartay dagaalkan.

Weerarkan ayaa ku soo beegmaya, xili manata oo kale Jimcihii hore ay kooxda Al-Shabaab deegaanka Basra ay ku dileen taliyihii booliska gobolka Banaadir Farxaan Qaroole kadib markii ay la kacday miino dhulka la galiyay oo uu ku istaagay.

This website uses cookies to improve your experience. We'll assume you're ok with this, but you can opt-out if you wish. Accept Read More