Dowlada Soomaaliya oo ka dalabtay in la joojiyo howlgalada la dagaalanka Burcad Badeed
Dowladda Federaalka Soomaaliya ayaa ka dalbatay Golaha Ammaanka in la joojiyo Qaraarka Golaha Ammaanka ee La-dagaalanka Burcad-badeedda ee tirsigiisu yahay 2608(2021) ee Maarso 3, 2022.
Danjire Abuukar Daahir Cusmaan “Baale” ayaa Golaha Ammaanka ee Jimciyadda Quruumaha ka dhaxaysa ka sheegay in guud ahaanba la joojiyo Mashruuc La-dagaalanka Burcad-badeedda, maadaama aysan xeebaha Soomaaliya ka jirin wax Burcad-badeedda ah.
“Shantii sano ee lasoo dhaafay wax weerar Burcad-badeedda ah kama dhicin xeebaha dalkeena, sidaas darteed shaqadda howlgal caalamiga ee loogu magacdaray La-dagaalanka Burcad-badeedda waxaa looga faa’iideysan karaa arimo kale oo lagu xoojin karo Dowladnimada Soomaaliya ee taageeradda beesha caalamka”ayuu yiri Danjire Abuukar Baale.
Xeebaha Soomaaliya ayaa noqday badaha caalamka ugu khatarta badan kadib markii burcad hubeysan ay afduub u geysteen maraakiib maraysay xeebaha badweynta hindiya kuwaasoo ka dalbanayay dadka leh maraakiibta lacago madax furasho ah.
