Haweeney Kusime madaxweyne ka ah dalka kadib safarka Xasan Sheekh.
June 19 (Jowhar.com)-Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi uu hoggaaminayo oo martiqaad rasmi ah ka helay dhiggiisa dalka Isu-tagga Imaaraadka Carabta Sheekh Maxamed Binu Saayid ayaa ka ambabaxay magaalada Muqdisho.
Safarka Madaxweynaha oo labo maalmood qaadan doona ayaa ku qotoma xoojinta xiriirka
diblomaasiyadeed ee labada dal, fududeynta isu-socodka, ganacsiga iyo sare u qaadidda iskaashiga labada waddan.
Shinaca kalena, Sacdiya Yaasiin Xaaji Samatar ayaa noqotay Kusimaha Madaxweynaha dalka, kaddib markii uu maanta safar dibadda u ambabaxay Madaxweyne Xasan Sheekh, iyadoo shalayna uu Guddoomiyaha Golaha Shacabka Sheekh Aadan Madoobe uu safar dibadda u baxay.
Sacdiya oo ah xildhibaan laga soo doortay Puntland ayaa ah gudoomiye xigeenka koowaad ee golaha shacabka, taasoo u saamaxday iney noqoto kusimaha madaxweynaha dalka, taasoo dalka ka talineysa inta ay sol laabanayaan Xasan Sheekh ama Aasan Madoobe.
