Joe Biden oo aqblay inuu la kulmao Vladimir Putin
Madaxweynaha Mareykanka Joe Biden iyo Madaxweynaha Ruushka Vladimir Putin ayaa mabda’ ahaan ku heshiiyey shir madaxeed looga hadlayo xiisadda Ukraine.
War qoraal ah oo ay faafisey madaxtooyada Faransiiska Elysee Palace ayaa lagu sheegay in Macron uu labada hoggaamiye u gudbiyay shir ku saabsan amniga iyo xasilloonida istiraatiijiga ah ee Yurub.
Labada Madaxweyne ee Biden iyo Putin ayaa labaduba aqbalay mabda’a shir-madaxeedkan oo kale,” ayaa lagu yiri bayaanka, iyadoo carabka ku adkeeyay in kulankaas uu yahay mid aan macquul ahayn haddii uu Ruushku ku duulo Ukraine maadaama ay dalalka reer galbeedka ka baqayaan inuu ujeedkiisu yahay.
Aqalka Cad ayaa markii dambe xaqiijiyay shirka la qorsheeyay.
Mareykanka waxaa ka go’an in uu sii wado dublamaasiyadda ilaa inta uu duullaanku bilaabanayo, ayay xoghayaha saxaafadda Jen Psaki ku tiri hadal ay soo saartay.
“Madaxweyne Biden wuxuu aqbalay mabda’a ahaan kulanka uu la yeelanayo Madaxweyne Putin … haddii duulaan uusan dhicin.”ayay sii raacisay
Ma jiro wax hadal ah oo degdeg ah oo ka soo baxay Kremlin-ka, laakiin Vladimir Putin ayaa sheegay ka dib markii uu wacay Macron Axadii in dadaallada dibloomaasiyadeed loo baahan yahay in la xoojiyo si xal loogu helo xiisadda.
Xafiiska Macron iyo Aqalka Cad ayaa sheegay in ajandaha shirka ay ka shaqeyn doonaan Xoghayaha Arrimaha Dibadda ee Mareykanka Antony Blinken iyo Wasiirka Arrimaha Dibadda ee Ruushka Sergey Lavrov inta lagu guda jiro kulan la qorsheeyay inuu dhaco Febraayo 24.
Shir madaxeedkan uu u muuqday mid lagu falanqeynayay qaab dhismeedka cusub ee amaanka Ruushka iyo wadamada reer galbeedka ee Yurub, kaas oo ah waxa uu Ruushku dabada ka riixayo.
Ku dhawaaqistan ayaa daba socota xiriiro taleefoon oo dhex maray Macron iyo hogaamiyayaasha labada dhinac ee badweynta Atlaantigga iyadoo ay sii xoogeysatay xiisadda ka taagan xaaladda Ukraine, halkaasoo Ruushka uu kumanaan ciidamo ah ku daadiyay meel u dhow xadka.
In kasta oo shir-madaxeedkan suurtogalka ah uu rajo ka muujinayo qaab suurtogal ah oo looga bixi karo qalalaasaha, haddana xiisadda milateri ayaa weli ah mid aad u sareysa ka dib markii dalka ay deriska yihiin ee Belarus uu ku dhawaaqay in Ruushku uu kordhin doono dhoolatuska milatari ee dalkaas oo ku ekaa Axaddii.
Sawirrada dayax-gacmeedka ayaa sidoo kale u muuqday inay muujinayaan daad-gureynta cusub ee qalabka Ruushka iyo ciidamada ee beeraha iyo kaymaha oo u dhow 15km (9.3 mayl) xudduudda Ukraine.
Blinken ayaa Axadii sheegay in kordhinta leyliga Belarus ay uga dhigtay inuu aad uga walaaco in Ruushka uu qarka u saaran yahay weerar.
“Wax walba oo aan aragno waxay soo jeedinayaan in tani ay tahay mid dhab ah,” ayuu u sheegay CNN.
“Illaa inta taangiyada ay dhab ahaantii ruxayaan, diyaaraduhuna ay duulayaan, waxaan isticmaali doonaa fursad kasta, daqiiqad kasta waa inaan aragnaa haddii dublamaasiyadu wali ka dhaadhicin karto madaxweyne Putin inuu horay u sii wado.”
