Jubnaland oo magacawday guddiga doorashada Aqalka Sare

Gudoomiyaha golaha wakiillada dawlad goboleedka Jubaland Cabdi Maxamad Cabdiraxmaan ayaa magacaabay guddiga doorashada xubnaha u tartamaya Aqalka Sare ee barlamaanka federaalka.

Guddiga la magacaabay oo ka kooban sagaal xildhibaan oo labo kamid ah yihiin gabdho ayaa waxa ay ka shaqayn doonaan sidii waqtigeeda ay ugu qabsoomi lahayd tartanka sideeda kursi ee Jubaland ku leedahay Aqalka Sare.

Doorashada xildhibaannada Aqalka Sare ama Senatorada ayaa lagu wadaa inay dhacdo 25 ka illaa 28 ka bishan, sida ku cadayd jadwalkii shalay ay shaaciyeen guddiga hirgalinta doorashooyinka heer federaal.

Nidaamka lagu dooranayo Xubnaha Aqalka Sare ayaa ah in madaxweynayaasha maamul goboleedyadu soo gudbiyaan kursi kasta cid u tartamaysa, waxana marka dambe kala doorana xildhibaannada baarlamanka dawlad goboleedka.

This website uses cookies to improve your experience. We'll assume you're ok with this, but you can opt-out if you wish. Accept Read More