Kenya oo sheegtay inay fureyso xadka ay la wadaagto Soomaaliya

Dowlada Kenya ayaa ku dhawaaqday inay dib u fureyso xudduudka ay la wadaagto Soomaaliya oo muddo dhowr bilood ah xirneyd.

Hase yeeshee waxa ay dowlada Kenya walaac ka muujisay in kooxda Al-Shabaab ay badeecado shar-cidarro ah dalkaasi soo galiyaan oo ay ka helaan dhaqaale.

Guddiga Amniga Qaranka Kenya ayaa diyaariyay qorshaha lagu furayo xuduuda Kenya iyo Soomaaliya.

Magaalada Mandheera ayaa noqon doonta meesha u horreysa ee dib looga furayo xadka.
Sidoo kale waxaa lagu wadaa in dib loo furo goobo kale oo ka mid ah xadka labada dal.