Kenya oo sheegtay iney dishay 10 kamid ah Al-Shabaab.

July 02 (Jowhar.com)-Militariga Kenya ayaa sheegay inay dileen 10 qof oo looga shakisan yahay Alshabaab, kaddib howlgal ammaan oo ay ka sameeyeen deegaannada Sariira iyo Kulbiyow ee ka tirsan Keymaha Boni ee degmada Lamu ee gobolka Xeebta.

Ciidamada Difaaca Kenya ee KDF ayaa war-saxaafadeed ay soo saareen ku sheegay in qaar kale ay baxsadeen iyadoo howlgalkaas uu ka dhacay xadka Lamu iyo Soomaaliya. KDF ayaa intaas ku daray inay howlgallo dhowr ah ka wadaan xadka.

Waxay sidoo kale sheegeen in dadkan la dilay iyagoo isku dayaya inay u soo gudbaan dhanka Kenya. Arrintan ayaa imaaneysa afar bilood kaddib markii isla deegaankaasi dagaal ka dhacay ay ku dhinteen afar Alshabaab ka tirsan.

Majirto wax war ah oo kooxda Shabaab ay ka soo saartay sheegashada Kenya ee ah iney howlgal ku dileen 10 kamid ah dagaal yahanada Shabaab oo khatar ku haya amaanka dalkaasi.

This website uses cookies to improve your experience. We'll assume you're ok with this, but you can opt-out if you wish. Accept Read More