Madaxweynaha Koofur Afrika oo sheegay in Putin uusan ka qeybgaleynin Shirka Brics
July. 19 (Jowhar.com)-Madaxweynaha Ruushka ayaan ka qeybgali doonin shir madaxeedka ka dhacaya Koonfur Afrika bisha soo socota, sida ay sheegtay madaxtooyadda dalkaasi.
Ku dhawaaqistan ayaa timid kadib markii hogaamiyaha Koonfur Afrika uu sheegay in isku day kasta oo lagu doonayo in lagu xiro Vladimir Putin uu noqon doono ku dhawaaqista dagaal ka dhan ah Ruushka.
Haddii Mr Putin uu ka tagi lahaa dhulka Ruushka, waxa uu muteysan lahaa amar lagu soo xirayo Maxkamadda Dambiyada Caalamiga ah (ICC).
Koonfur Afrika ayaa ah wadamada saxeexay jiritaanka maxkamada ICC waxaana la filayay in ay gacan ka geysato xiritaanka Mr Putin.
Wasiirka arrimaha dibadda ee Ruushka Sergei Lavrov ayaa dalkaas ku matali doona shir madaxeedkan oo socon doona muddo laba maalmood ah.
Si kastaba ha ahaatee, Mr Putin ayaa ka qayb qaadan doona shirka Brics – oo loo soo gaabiyo Brazil, Russia, India, China iyo South Africa – iyada oo la adeegsanayo aalada muuqaalka, sida uu sheegay afhayeenka Kremlin Dmitry Peskov.
Kooxda Brics waxay dadka qaar u arkaan inay tahay beddelka kooxda G7 ee dhaqaalaha horumaray.
War qoraal ah oo kasoo baxay madaxtooyada Koonfur Afrika ayaa lagu sheegay in heshiiska Mr Putin uusan ka qeybgalin uu ahaa mid labada dhinac ah, waxaana ay sheegtay in uu yimid kadib markii wadatashiyo badan laga sameeyay shir madaxeedka.
Taageerayaasha Ruushka ayaa dhaleeceeyay go’aankaas, iyagoo sheegay in Koonfur Afrika ay ahayd inay ku adkeysato oo ay u adeegsato madax-bannaanideeda si ay u difaacdo saaxiibkeeda.
Casuumad ay Koonfur Afrika u fidisay Mr Putin oo la horgeeyay maxkamadda ICC ayaa ku eedeysay dambiyo dagaal oo uu ka geystay Ukraine, taasoo dhalisay muran heer qaran iyo mid caalami ah.
Waxay u muuqatay tallaabo ay dowladdu kaga leexanayso meel dhexe oo ay doonaysay inay ku garab istaagto dalal kale oo Afrikaan ah, colaadda u dhaxaysa Ruushka iyo Ukraine.
Balse xukuumadda madaxweyne Cyril Ramaphosa ayaa cadaadis lagu saarayay in la xiro madaxweyne Putin uu sare u kacay.
Xisbiga ugu weyn mucaaradka ee Isbaheysiga Dimuqraadiga, ayaa tagay maxkamad si ay isugu dayaan inay ku qasbaan mas’uuliyiinta inay xiraan Mr Putin, haddii uu cag soo dhigo dalka. Kooxda caalamiga ah ee xuquuqul insaanka ee Amnesty International ayaa sidoo kale qayb ka ahayd caqabada.
Dukumiintiyada maxkamadda ayaa muujinaya in Mr Ramaphosa uu si adag uga soo horjeedo tallaabo kasta oo noocaas ah, isagoo sheegay in amniga qaranka uu halis ku jiro.
Ruushku waxa uu si joogto ah ugu tilmaamay amarka xadhiga ICC mid aad looga xumaado oo sharci ahaan aan waxba ka jirin, sababtoo ah waddanku xubin kama aha ururka.
Qaaradda Afrika ayaa weli ku kala qaybsan dagaalka u dhexeeya Ruushka iyo Ukraine, iyadoo dalalka qaar ay muujiyeen inay ka caga jiidayaan go’aannada Qaramada Midoobay ee lagu cambaareynayo Ruushka ficillada uu ka wado Ukraine.
