Madaxweyne Xasan oo fagaare kula hadlay dadka magaalada Xarardheere

Apr 01 (Jowhar.com)-Madaxweyne Xasan Sheekh ayaa maanta gaaray magaalada Xarardheere ee Gobolka Mudug, halkaas oo si weyn loogu soo dhaweeyay.

Madaxweynaha waxaa safarkan ku wehlinayay madaxweynaha Galmudug, wasiirada Gaashaandhigga, arrimaha gudaha, saraakiil ciidan iyo xildhibaano.

Madaxweyne Xasan oo meel fagaare ah kula hadlay dadka shacabka ah ayaa ku amaanay sida ay ugu fara adeegeen magaalada oo ay uga difaacdeen Shabaab, wuxuuna tilmaamay in garabka dowladda marnaba uusan dhankooda ka bexeenin.

Si kastaba, magaaladan sanad ka hor ayaa laga xorreeyay kooxda Argagixisada ah ee Al-Shabaab, iyadoo u eheyd meel istiraatiji u ah kooxdaasi.

Xarardheere ayaa astaan u ah adkeysi iyo fara-adeyg ay sameeyeen dadkeeda in magaalada noqoto meel ka caagan argagixisada, maadaama ay noqotay deegaan si rasmi ah loo xasiliyay oo noloshii ay dib ugu soo laabatay, sida waxbarashadii iyo adeeggii kale ee bulshada.

This website uses cookies to improve your experience. We'll assume you're ok with this, but you can opt-out if you wish. Accept Read More