Sep 13(Jowhar)-Madaxweyne Xasan Sheekh Maxamuud ayaa kulan gaar ah la qaatay guddoomiyeyaasha Baarlamaanka Federaalka Soomaaliya ee labada aqal, Cabdi Xaashi Cabdullaahi iyo Sheekh Aadan Madoobe.
Kulanka ayaa diiradda lagu saaray arrinta furitaanka kalfadhiga Baarlamaanka, iyadoo Madaxweyne Xasan Sheekh uu labada Guddoon u sheegay in kalfadhiga Baarlamaanka si rasmi ah loo furi doono marka uu ka soo laabto safarkiisa Mareykanka.
Madaxweynaha ayaa intaa ku daray inuu maanta oo Sabti ah si rasmi ah ugu gudbin doono Guddoonka labada Aqal warqadda codsiga ku saabsan in Mw la siiyo muddo kooban dib na looga dhigo furitaanka kalfadhiga Baarlamaanka.
Dhinaca kale, Madaxweynaha Soomaaliya ayaa qorsheynaya inuu safar shaqo ku tago magaalada Doxa ee dalka Qatar, ka hor inta uusan u ambabixin safarka Mareykanka.
