Madaxweyne Xasan sheekh oo ka hadlay arrimaha magaalada Laascaanood

Jan. 06 (Jowhar.com)-Madaxweyne Xasan Sheekh Maxamuud ka hadlay khilaafka ka jira magaalada Laascaanod isagoo ugu baaqay maamulka somaliland inuu ku xaliyo wadahadal arrimaha la isku khilaafsan yahay ee ka taagan magaalada Lascaanood.

“Somaliland waxaan ugu baaqayaa in Halkii ay qori u adeegsan lahaayeen reer Laascaanood ay guddi dhexdhexaadin ah adeegsadaan.” ayuu yiri Madaxweyne Xasan Shiikh.

“Way na dhibaysaa dilka iyo dhibaataynta dad kor u qaadaya calanka Soomaaliya’ ayuu hadalkiisa raaciyey Madaxweyne Xasan Sheekh Maxamuud isagoo xusay in dowlada Soomaaliya aysan wax siyaasad ah ka lahayn Laascaanood.

Madaxweyne xasan sheekh ayaa sheegay in dowladiisu aysan wax siyaasad ah ka lahayn shaqaaqada ka jirta magalada Lascaanood. waxana uu ugu baaqay shacabka magaalada Laascaanood inay isdejiyaan.

Dhanka kale Madaxweyne xasan sheekh waxa uu farriin u diray dhallinyarada Soomaaliyeed ee weli ka sii mid ah Alshabaab.
Baaqan ka soo yeeray Madaxweyne xasan sheekh ayaa ku soo beegmaya xilli ay ciidamada maamulka somaliland ay isku diyaarinayaan inay xoog ku galaan magaalada Laascaanood.

This website uses cookies to improve your experience. We'll assume you're ok with this, but you can opt-out if you wish. Accept Read More