Maraykanka oo ka fiirsanaya in ciidamadiisa uu dib ugu celiyo Soomaaliya
Golaha Senate-ka ayaa sarkaal ka tirsan wasaaradda Gaashaan-dhigga Mareykanka ka dhageystay warbixin ay qeyb ka aheyd saameynta ay yeelatay ciidamadii uu bilo kahor madaxweynihii hore ee Mareykanka Donald Trump uu ka soo saaray Soomaaliya.
Sarkaalka ayaa sheegay in maamulka Biden uu go’aannadaasi dib u eegis ku sameynayo, iyada oo ay suurtogal tahay in ciidankaasi dib loogu celiyo Soomaaliya.
Madaxweynaha Maraykanka Biden ayaa siyaasadihiisa waxaa kamid ah inuu go’aanadii hore ee madaxweynihii hore Trump uu dib uga laabto iyadoo xukuumada cusub ee Biden ay bilowday inay dib loogu laabto tallaabooyinkii xukuumadii ka horeysay.
Arrimaha Milatariga ayaa ka mid ah tallaabooyinka uu qorsheynayo Madaxweyne Biden taasoo qeyb ka ah in ciidamada Maraykanka ee hore u joogay Soomaaliya dib loogu soo celiyo.
