Maxkamada Sare Kenya oo diiday qorshe uu hormuud ka ahaa Madaxweyne Kenyatta
Mar 31 (Jowhar.com) – Maxkamada Sare ee dalka Kenya ayaa markale diiday qorshe ay taageeraysay xukuumada Uhuru Kenyatta taasoo lagu doonayay in isbedel lagu sameeyo dastuurka dalka Kenya.
Garsoorayaasha Maxkamadda Sare ayaa sheegay in madaxweynaha uu u dhaqmay si aan sharci ahayn markii uu hormuud ka ahaa dib u habeynta, oo loo yaqaan Dhismaha Bridges Initiative (BBI).
Waxay yiraahdeen waxay ahayd in ay dad muwaadiniin ahi hoggaamiyaan – ma ahayn in uu madax qaran noqdo qofka hoggaaminaya hindisaha.
Guuldarada ayaa timid ka hor doorashooyinka muhiimka ah ee bisha Ogosto.
Mr. Kenyatta ayaa horay u soo qabtay labo xilli oo madaxweyne sidaas darteed ma soo baxayo doorashadaas, balse waxa uu dhaxal gal u ahaa ansixinta sharcigan, kaas oo uu ku dooday in uu siyaasadda ka dhigi doono mid loo dhan yahay.
Soo jeedinteeda ugu muhiimsan waxaa ka mid ah soo bandhigida jagada cusub ee ra’iisul wasaaraha. Waxaa jiray hadal heyn ku aadan in Mr Kenyatta uu raadsan karo doorkan hadii ninka ay is hayaan ee Raila Odinga uu ku guuleysto xilka madaxtinimada.
Doorashadii hore ee 2017 ayaa la arkayay in uu si dirqi ah uga adkaaday madaxweyne Kenyatta, iyadoo ay jirtay eedeymo la xiriira wax isdaba marin iyo cabsi laga qabo rabshado siyaasadeed oo soo cusboonaado.
Sanad ka dib, si kastaba ha ahaatee, labada qof ayaa ku heshiiyey heshiis saldhig u ah isbeddelka BBI, halka madaxweyne Kenyatta iyo ku xigeenkiisa William Ruto uu khilaaf soo kala dhexgalay.
William Ruto iyo Mr Odinga ayaa la filayaa in ay noqdaan labada musharax ee ugu cadcad tartanka madaxtinimada ee sanadkan.
Madaxweyne ku xigeenka Kenya William Ruto ayaa ku adkeysanaya in isaga iyo madaxweyne Kenyatta aysan ahayn cadow.
Mr Odinga waxa uu sheegay in uusan ka niyad jabin go’aanka maxkamadda sare uuna ilaali doono danaha kuwa taageeray isbedellada.
Iyadoo dad badan oo falanqeeya ay go’aanka Khamiista u arki doonaan mid uu ku guuleysanayo Mr Ruto, ayaa haddana dadka sida dhabta ah u guuleystay waa Kenyanka caadiga ah oo u dagaalamayey ilaa laga soo bilaabo maxkamadaha hoose ilaa maxkamadda sare si ay u difaacaan dastuurka dalka in wax laga bedelo oo ay wax ka bedelaan dad akhyaar ah oo aan shacabka ka qeyb gelin.
Dib u habeynta BBI ayaa lagu tilmaamay inay tahay mid dalka la isugu keenayo balse Kenya hadda waxay heshay hogaamiye ku xigeen kasoo horjeestay isbadalka muhiimka ah ee dowlada iyo hogaamiye mucaarad ah oo u ololeeyay.
Xukunka maxkamadda sare ee Khamiista ayaa diiday racfaankii ay dowladdu ka qaadatay xukunno hore oo maxkamadeed oo lagu ogaaday in sharciga BBI uu yahay mid aan joogto ahayn, sharci darro ah oo aan dastuuri ahayn.
Qodob kale oo ay Maxkamadda Sare u aragtay mid aan dastuuri ahayn ayaa ah qorshaha lagu abuurayo 70 xildhibaan oo dheeraad ah oo baarlamaanka ah – taasoo dadka dhaliila ay u arkeen isku day dano gaar ah leh oo lagu abaalmarinayo siyaasiyiinta daacadda ah.
Si kastaba ha ahaatee, dawladda ayaa loo oggolaaday inay racfaan ka qaadato shan arrimood oo kale oo ay maxkamaddu tixgelinaysay. Xukunka kama dambaysta ah ayaa la akhrin doonaa toddobaadka soo socda.
