Maxkamadda Racfaanka oo maanta dhegeysaneysa kiiska Sayid Cali
April 21 (Jowhar.com)-Maxkamadda Rafcaanka Gobolka Banaadir ayaa maanta bilaabeysa dhageysiga dacwad loo heysto Sayid-Cali Macallin Daa’uud oo Maxkamadda Gobolka Banaadir ay ku xukuntay dil toogasho ah.
Maxkamadda Gobolka Banaadir ayaa 6-dii bishii hore dil ku xukuntay Sayid-Cali Macallin Daa’uud oo lagu eedeeyay gubashada xaaskiisii oo lagu magacaabo Luul Cabdulcasiis oo u geeriyootey dhawaac ka soo gaarey dabka.
Related Posts
Kiiska Luul Sheekh Cabdulcasiis oo ahayd hooyo uur leh ayay dad badan ka dhursugayeen xukunka Maxkamadda Gobolka Banaadir.
Luul – oo sida la sheegay xaamilo ahayd – ayaa labadii February u geeriyootay dhaawaca gubasho dabayaaqadii January kasoo gaartay gurigii ay degganaayeen ee magaalada Muqdisho.
