Meydka Marxuum Cali Ugaas oo lagu aasay Muqdisho

By Mahad On Oct 2, 2023

Oct 02 (Jowhar.com)- Ra’iisul Waaaaraha xukuumadda Jamhuuriyadda federaalka Soomaaliya mudane Xamsa Cabdi Barre oo ay weheliyaan guddoonka labada aqal ee Baarlamaanka JFS ayaa ka qeyb galay Salaadda Janaasada Alle ha u naxariistee Marxuum Cali Ugaas Cabdulle oo ahaa Duqii hore ee Muqdisho oo maanta ku geeriyooday Muqdisho.

Ra’iisul Wasaaraha ayaa xusay in marxuumku uu ahaa shaqsi dalkiisa ugu soo adeegay daacadnimo iyo dal jacayl, taasoo uu caan ku ahaa intii uu noolaa.

Qaaraxyo culus oo caawa ka dhacay magaalada Muqdisho

Dec 6, 2023

Xasan iyo Xamze oo ka qeyb galay kulan lagu taageerayay…

Dec 6, 2023

Salaadda Janaasada marxuumka ayaa waxaa ka qeyb galay Masuuliyiin kala duwan oo ay kamid ahaayeen Madaxweynihii hore Mudane Shariif Sheekh Axmed, Guddoomiyaha Gobolka Banaadir ahna Duqa Muqdisho Mudane Yuusuf Xuseen Jimcaale, masuuliyiin ka tirsan goleyaasha dowladda , ehellada marxuumka iyo dadweyne.

Marxuum Cali Ugaas Cabdulle ayaa xilal kala duwan ka soo qabtay dalka, kuwaas oo ay ugu muhiim sanaayeen Duqa Muqdisho iyo Danjirihii Soomaaliya u fadhiyey dalka Talyaaniga.

Taariiq kooban ee Xaaji Cali Ugaas Cabdulle

Allaha u naxariistee Xaaji Cali Ugaas Cabdulle wuxuu ku dhashay deegaanka Cadcaddey oo ka tirsan gobolka Sh/dhexe sannadkii 1938-dii.

Waxbarashada Quraanka Kariimka iyo tan dugisga hoose waxa uu ku qaatay deegaanka uu ku dhashay ee Cadcaddey halka uu waxbarashadiisa sare ku qaatay magaalada Muqdisho.

Shaqadii ugu horeysay ee uu ka bilaabay Xirirkii Guud ee Ururrada Shaqaalaha Soomaaliyeed.

Bilowga sannadkii 1987-1990kii waxa uu noqday Guddoomiyaha Gobolka Banaadir ah duqa magaalada Muqdisho.

Burburkii dowladii hore kadib waxa uu Xaaji Cali Ugaas ka mid ahaa dadkii waxgaradka iyo siyaasiyiinta ahaa ee ka shaqa bilaabay arrimaha nabadda.

Sanadkii 2002-dii Waxay dawladdii ku meel gaarka ahayd ee uu madaxweynaha ka ahaa Cabdiqaasin Salaad xasan u magacowday mar kale, Guddoomiyaha goboka Banaadir.

Sanadkii 2006-dii waxaa loo magacaabay qunsulka Soomaaliya u fadhiya Talyaaniga, shaqadan oo uu hayey tan iyo sannadkii 2009-kii.

Aaska Marxuum Cali Ugaas Cabdulle

Prev 1 of 4 Next