Midowga Afrika oo ka hadlay is casilaadii John Mahama

Midowga Afrika ayaa ka hadlay go’aanka ay dowlada Soomaaliya ay ku diiday magacaabista madaxweynihii hore ee Ghana John Mahama oo ahaa wakiilka sare ee Soomaaliya.

Bayaan ka soo baxay Midowga Afrika ayaa lagu sheegay in ay ka xuntahay go’aanka ay dowlada Soomaaliya ay ku diiday ergeygan.

“Waxaan muujineynaa sida ay uga xun tahay go’aanka ay qaadatay dowladda Soomaaliya, iyadoo diiday magacaabista H.E. Mr John Dramani Mahama, isagoo ah Wakiilka Midowga Afrika ee Soomaaliya. Waxaan ku boorrinaynaa Guddoomiyaha Guddiga Midowga Afrika inuu sii wado wadahadalka uu la leeyahay DFS si loo xalliyo khilaafka jira isla markaana uu warbixin uga siiyo Golaha sida loogu dhaqaaqayo la macaamilka siyaasadeed ee Soomaaliya iyo Golaha Amniga (PSC) ayaa lagu yiri bayaanka.”ayaa lagu yiri bayaanka.

Horaantii bishaan, Soomaaliya ayaa diiday magacaabista Mahama iyadoo ku doodeysa in madaxweynihii hore ee dalka Ghana uu xiriir ballaaran la leeyahay Kenya, oo Soomaaliya ay kala dhaxeyso khilaaf siyaasadeed.

Sida laga soo xigtay Wasiirka Arimaha Dibadda iyo Iskaashiga Caalamiga ee Soomaaliya Maxamed Cabdirasaaq, Mahama wuxuu xiriir dhow la lahaa shaqsi aan la magacaabin oo ka tirsan hoggaanka Kenya sidaa darteedna aan loogu tashan doonin inuu noqdo dhex-dhexaad.

Soomaaliya ayaa warqad u qortay Gudoomiyaha Midowga Afrika Moussa Faki Mahamat oo ay ku wargalisay in ay taageero u haynin shaqada cusub ee Mahama.

This website uses cookies to improve your experience. We'll assume you're ok with this, but you can opt-out if you wish. Accept Read More