Apr 07(Jowhar) Beesha Caalamka ayaa soo dhaweysay gogosha Qaran ee lagu baaqay ee siyaasiyiinta iyo Hoggaamiyeyaasha Bulshada, iyagoo muujiyay door ka duwan doorarkooda horre arrimaha gudaha Soomaaliya, gaar ahaan adeegsiga erayo ka duwan kuwii ay horay ugu xusi jireen oo ahaa soo jeedin iyo tallooyin.
War saxaafadeedka Beesha Caalamka oo ka yara duwan kuwii horay usoo saari jireen, waxay si isku mid ah baaq ugu wada direen Dowladda Federaalka, Dowlad Goboleedyada, Siyaasiyiinta iyo qeybaha bulshada inay si dhakhso ah u kulmaan, taasoo meesha ka saareysa in gogoshaas kaliya ku kooban tahay qaban qaabadeeda Villa Somalia.
Haddaba War saxaafadeedka ayaa sidan hoose u qornaa:
๐๐๐-๐๐๐๐๐๐ ๐๐๐๐๐ ๐๐๐๐๐๐๐ ๐๐
๐๐๐๐ฑ๐ข๐ข๐๐๐๐ ๐๐๐๐ฌ๐ก๐ ๐๐๐๐ฅ๐๐ฆ๐ค๐ ๐๐๐ฑ๐๐ฒ ๐๐จ๐จ ๐๐ก๐จ๐ฐ๐๐ฒ๐ง๐๐ฒ๐๐๐ง ๐๐จ๐ ๐จ๐ฌ๐ก๐ ๐๐๐ ๐ฎ ๐๐๐๐ช๐๐ฒ ๐๐ ๐๐ข๐ฒ๐๐๐ฌ๐ข๐ฒ๐ข๐ข๐ง๐ญ๐ ๐ข๐ฒ๐จ ๐๐จ๐ ๐๐๐ฆ๐ข๐ฒ๐๐ฒ๐๐๐ฌ๐ก๐ ๐๐ฎ๐ฅ๐ฌ๐ก๐๐๐
๐๐ฎ๐ช๐๐ข๐ฌ๐ก๐จ, ๐๐ ๐๐๐ซ๐ข๐ข๐ฅ ๐๐๐๐ โ Saaxiibada beesha caalamku* waxay soo dhoweynayaan soo-jeedinta lagu qabanqaabinayo madal ay iskugu yimaadaan hoggaamiyeyaasha siyaasadda iyo bulshada Soomaaliyeed si loo xaqiijiyo in aragtiyadooda iyo dadaalladooda ay qeyb uga noqdaan la dagaalanka argagixisada iyo dhismaha hannaan dowladeed oo dimuqraadi ah kuna dhisan nidaam federaal ah, sida uu ku dhawaaqay Madaxweyne Xasan Sheekh Maxamuud khudbaddiisii dadweyne ee 29kii Maarso 2025ka kuna beegnayd munaasabaddii Ciidda Soonfur ee Ciidul-Fitri. Istaraatijiyad midaysan oo loo dhan yahay ayaa lagama maarmaan u ah in laga guuleysto Al-Shabaab iyo in lasii amba-qaado arrimaha hortabinta u leh dowlad-dhisidda Soomaaliya. Waxaan soo dhoweyneynaa jawaab-celinta togan ee siyaasiyiin Soomaaliyeed ee hormuudka ah ay ka bixiyeen hindisahan.
Waxaan ku boorrinaynaa Dowladda, Madaxda Dowladaha Xubnaha ka ah Dowladda Federaalka ah, iyo saamilayda siyaasadeed iyo kuwa bulshada inay si dhakhso leh u kulmaan si loo xaqiijiyo fal-celin midaysan oo wax-ku-ool ah oo ku aaddan dagaalka socdo ee Al-Shabaab, fal-celintaas oo ah arrin mudnaan degdeg ah u leh amniga qaranka. Tallaabo degdeg ah oo ku salaysan goโaan cad oo ay qaadaan hoggaamiyeyaasha Soomaaliyeed, ayna u qaadaan dhanka arrimo ay ku jiraan arrimaha muhiimka ah ee siyaasadda qaranka, dastuurka iyo arrimaha doorashooyinka, ayaa suurta gelinaya in saaxiibada [caalamku] ay bixiyaan taageero dheeraad ah.
Waxaan ku bogaadinaynaa ragga iyo haweenka adkeysiga leh ee ka tirsan Ciidamada Ammaanka ee Soomaaliya iyo Hawlgalka Taageerada iyo Xasilinta Midowga Afrika ee Soomaaliya (AUSSOM) dadaalka ay ugu jiraan ka-hortagga is-ballaarinta Al-Shabaab ee Shabeellaha Hoose iyo Shabeellaha Dhexe.
Waxaa naga goโan in aan dowladda iyo dadka Soomaaliyeed ku garab-istaagno halganka ay ugu jiraan dhismaha qaran nabdoon, demoqoraadi ah isla-markaana barwaaqo ah.
*Hawlgalka Midowga Afrika ee Taageerada iyo Xasilinta Soomaaliya (AUSSOM), Austria, Belgium, Denmark, Jabuuti, Masar, Wafdiga Midowga Yurub, Finland, Jarmalka, Hungary, Urur-Goboleedka (IGAD), Ireland, Talyaaniga, Kenya, Ururka Jaamacadda Carabta (LAS), Norway, Ruushka, Spain, Iswiidhan, Iswisarland, Turkiga, Uganda, Boqortooyada Midowday ee Britain, Dowladda Maraykanka, iyo Qaramada Midoobay.
