Apr 05 (Jowhar)-Ciidamada booliska gobolka Banaadir ayaa xabsiga dhigay Guddoomiyaha Urur-siyaasadeedka Shacabka, Cabdiraxmaan Saleebaan Jaamac oo maalmihii la soo dhaafay ka hadlayey xaaladda dalka, eedana u jeedinayay madaxweyne Xasan Sheekh Maxamuud.
War kasoo baxay booliska waxa ay ku sheegeen in xarrigiisa uu salka ku hayo inuu ku kacay fal lid ku ah amniga qaranka, maxkanadna la horgeyn doono.
Madaxweynihii hore Maxamed Cabdullaahi Farmaajo ayaa cambaareeyay xariga ay laamaha amniga ee Dowladda Federaalka u gaysteen Guddoomiyaha Xisbiga Shacabka Cabdiraxmaan Saleebaan Jaamac.
Xisbiga Himilo Qaran ee uu hoggaamiyo Madaxweynihii hore Shariif Sheekh Axmed ayaa ku biiray siyaasiyiinta cambaareeyay xariga Guddoomiyaha Xisbiga Shacabka Cabdiraxmaan Saleebaan Jaamac oo ay xalay ay hay’ayddaha amniga ka kaxeeystay Hotel Sanaag ee magaalada Muqdisho.
Si kataba, Xadhiggan ayaa imanaya xilli DFS ay sheegtey in dalku aaday dimuqraadiyad iyo doorashooyin toos ah.
