Booliska oo gacanta ku dhigay gaari Qaraxyo ay kasoo buuxiyeen Shabaab oo Muqdisho loo soo waday
Jan 15 (Jowhar)-Ciidanka Boliiska Soomaaliyeed ayaa sheegay iney gacanta ku dhigeen gaari laga soo buuxiyey walxaha qarxa oo la rabay in lagu dhibaateeyo Shacabka Soomaaliyeed ee ku nool Caasimadda Muqdisho.
Sida boolisku sheegee , Walxahan Qarxa ayaa dhagar qabayaashu ku soo farsameeyeen sameecadaha cod baahiyaasha ah , waxaana ay ku talagaleen in si farsameysan Ciidamada ku dhaafiyaan balse waa ay u suurageli waysay maadaama Ciidamadu u diyaarsan yihiin ka hortagga farsamooyinka cusub ay adeegsanayaan Shabaan marwalbo.
Ciidanka Boliiska qeybtooda Xirfadlayaasha ah ayaa hadda ku guuleystay burburinta walxaha qarxa ee laga soo buuxiyay gaarigaa gacanta Boliiska kujira.
Boolisku ma sheegin goobta lagu qabtay gaariga iyo hadii ay jiraan dad gaariga watay oo ay laamaha amniga gacanta ku hayaa .
