Aug 11( Jowhar.com)-Wararka ka imanaya gobolka Sh.dhexe ayaa sheegaya in dab xooggan uu ka kacay Suuqa weyn ee magaalada Jowhar, kaasoo dhaliyay khasaare hantiyadeed oo baaxad weyn leh.
Dabkan oo bilowday aroortii hore ee saaka ayaa saameeyay qeybo badan oo suuqa kamid ah, waxaana damintiisa la tacaalayay shacabka magaalada, walow ay ku guuleysan waayeen iney dabka damiyaan.
Saacado kadib waxaa kusoo biirag gawaari Cagafyo ah, kuwaasoo duminayay goobaha dabka uu ka socdo, iyadoo gawaaridanna ay soo direen maanulka Hirshabelle.
Qaar kamid ah ganacsatada Suuqa Jowhar ayaa warbaahinta u sheegay iney ku hanti beeleen musiibadan, iyagoo dadka ka codsaday iney gurmar deg deg ah lasoo gaaraa .
Mid kamid ah ganacsatada dhibka uu saameeyay ayaa ku warramay inuu ganacsigiisa dhamaa uu ka hayo oo kaliya furayaasha dukaankiisa oo hantidii u tiilay ay ku baaba’day dabkaasi.
Magaalada Jowhar oo dhowr jeer uu dab sidan oo kale uga kacay malaha gawaari Dab damis, taasoo keni karta in mar walba uu khasaaraha sii xoogeysto.
