Dhimasho iyo dhaawac ka dhashay weerar rag hubeysan ay ku qaadeen xabsiga gobolka Mudug

Jan 10 (Jowhar)-Hal ruux ayaa ku geeryooday laba kalena waa ku dhaawacmeen ka dib markii maleeshiyo beeleed hubaysan ay weerareen xabsiga Gobolka Mudug.

Wararka ayaa intaasi kusii saraya in maleeshiyaadkan ay doonayeen in ay xabsiga kala baxaan rag ku eedeysan dilka  AUH Ganacsade Axmed Tahliil –  kuwaas oo ay hore xukunno ugu riday Puntland.

Ilaalada xabsiga ayaa la sheegey in ay iska daafaaceen kooxda soo weerartay kana hortageen in ay maxaabiis la baxaan.