Jan 05 ( Jowhar) Saraakiisha isbitaallada Gaza ayaa sheegay in duqeymo ay Sabtidi shalay ciidamada Israel ku garaaceen Marinka Gaza, lagu dilay ugu yaraan 15 qof oo Falastiiniyiin ah.
Duqeymaha oo ahaa saddex weerar oo kale duwan ayaa lagu bartilmaameedsaday Koofurta iyo Bartamaha Gaza. Mid ka mid ah waxaa lagu burbiryay baabuur, galka duqeynta labaad lagu dhuftay guri ay dad rayid ah daganyihiin oo ku yaalla magaalada Gaza, sidaasi waxaa xaqiijiyay saraakiisha caafimaadka ee Isbitaalka Naasir.
Shan qof ayaa iyaguna lagu dilay duqeyn ay ciidanka Israel ku garaaceen dhismaha Saraaya ee magaalada Gaza, sida ay sheegeen ila caafimaadka Gaza.
Ma jirto wax war ah oo arrintan ku saabsan oo kasoo baxay millatariga Israel.
Wasaaradda caafimaadka Gaza ayaa sheegtay in tirada ay ciidamada Israel ku dileen guud ahaan Marinka Gaza 24-ki saac ee la soo dhaafay ay gaartay 59 qof, halka dhaawacu uu marayo 270.
Dagaalka Gaza, gaar ahaan duqeymaha maalinlaha ah ee ciidamada Israel ee Gaza ayaa socda muddo 15 bilood ah. Waxana ay billowdeen todobadi bishi October ee sannadki 2023-ki, markaas oo ay Xamaas weerartay koofurta Isra’il.
Israel waxay sheegtay in weerarkaasi looga dilay in ka badan 1,200 oo qof lana afduubay boqollaal kale. Hase yeeshee, saraakiisha caafimaadka Gaza ayaa sheegay in duqeymaha Isra’il ee Gaza lagu dilay ku dhawaad 50 kun oo Falastiiniyiin ah.
