Aug 07 (Jowhar.com)-Warar dheeraad ah ayaa laga helayaa weerar khasaare culus geystay oo ka dhacay deegaanka lagu magacaabo Oodan oo ku yaala bariga gobolka Galgaduud, kaasoo khasaare dhimasho iyo dhaawacba leh sababay.
Wararka ahaa intaasi kusio daraya in weerarkan lagu dilay labo nin oo walaalo ahaa, sidoo kalena dhaawac loo geystay laba caruur ah iyo Hooyadood.
Labada Nin ee la dilay waxaa lagu kala magacaabi jiray Cabdi Naasir Axmed Carab iyo Cabdi kariin Axmed Carab.
Macluumaadka ayaa intaasi kusoo daraya in labada nin loo dilay falal la xiriira aanooyin qabiil, iyadoo maleeshiyada weerarka geysatay ay kasoo jeedo degmada Xarardheere, halla qotskan la dhibaateeyay ay deegaan ahaan kasoo jeedana magaalada Cadaado.
Si kastaba, Galmudug ayaa ku guuldareysatay xal u helida dagaalada salka ku haya aanooyinka qabiilka, iyadoo ciidamo ay i dirtay deegaanka dadkan lagu laayay ay kusoo fashilmeen soo qabashada gacan ku dhiiglayaashii falka ka danbeeyay.
