Dec 22 (Jowhar)-Shaqsiga looga shakisan yahay in uu fal dil ah ka geystay suuqa Christmas-ka ee Magdeburg, Germany, waa Taleb Jawad al-Abdulmohsen, oo ah 50 jir qaxooti Sacuudiyaan ah oo asal ahaan ka soo jeeda Shiicada, iskuna tilmaamay inuu yahay cawaan iyo “ka soo horjeeda” Islaamka”.
Isagoo Jarmalka daganaa tan iyo 2006, wuxuu ka shaqeeyay sida dhakhtarka maskaxda ee Bernburg, oo ku taal meel u dhow Magdeburg.
Ma jiro xiriir la yaqaan oo ka dhexeeya isaga iyo koox kasta oo jihaad doon ah.
Booliska dambi baarista ayaa baaraya gaariga ku lug lahaa dhacdadan suuqa Christmas-ka ee Magdeburg ee bariga Jarmalka.
Mas’uuliyiinta Jarmalka ayaa sheegay in xilliga weerarka uusan ahayn mid iska yimid, inkastoo aysan ku sifeynin dhacdo Islaami ah.
Mr. Abdulmohsen ayaa baraha bulshada ku sheegay in uu isu arkay in uu yahay dhibane la dhibaateeyay kadib markii uu ka baxay diinta Islaamka, waxa uuna dhaleeceeyay waxa uu ku sheegay in uu yahay islaamay Germany.
Isaga oo ka soo jeeda qoys Shiico ah oo ku nool magaalada Hofuf, oo ah tuulo ku taal gobolka Al-Axsa ee bariga Sucuudiga oo ay Shiicadu u badan tahay, waxa uu u haajiray Jarmalka sannadkii 2006dii, waxana uu toban sano ka dib helay aqoonsi qaxootinimo, sida ay sheegeen warbaahinta Jarmalka iyo nin u dhaqdhaqaaqa Sucuudiga.
Albaabka laga galo hoyga Mr. Taleb Jawad al-Abdulmohsen ee Bernburg, bariga Jarmalka.
Wuxuu ku noolaa oo uu ka shaqeeyay Saxony-Anhalt, iyadoo Magdeburg ay qiyaastii 130km galbeed ka xigtaa Berlin.
Wareysi hore oo uu siiyay wargeyska Jarmalka ka soo baxa ee Frankfurter Rundschau, ayuu ku sheegay in loogu hanjabay in la dili doono maadaama uu ka baxay diinta Islaamka.
Wareysi aan la daabicin oo uu siiyay AFP 2022, oo aan la xiriirin dhacdadan, Mr. Abdulmohsen wuxuu isku sheegay inuu yahay “Caawan Sacuudi ah” wuxuuna carrabka ku dhuftay in dhalinyarada Sacuudiga aysan kaliya ka baxsaneynin dowladda balse ay sidoo kale ka cararayaan Islaamka.
