Madaxweyne Museveni oo beeniyay inuu geeriyooday, digniina soo diray
Jun. 13 (Jowhar.com)-Madaxweynaha Uganda Yoweri Museveni ayaa meesha ka saaray wararka xanta ah ee sheegaya inuu u dhintay cudurka COVID-19, isagoo sheegay inuu ku jiro maalintiisii shanaad ee cudurka, uuna dareemayo fiicnaansho.
“Salaan. Hadda waa maalintii 5-aad ee xaaladdayda korona. Xalay si wanaagsan ayaan u seexday illaa saacadda 10-aad ee habeenimo,” ayuu madaxweynuhu ku yiri boggiisa rasmiga ah ee Twitter-ka habeenimadii Axadda.
“Markii hore, Arbacadii, waxaa sidoo kale jiray xoogaa muruq xanuun fudud, oo lagu yaqaano hargabka caadiga ah,” ayuu yidhi, isaga oo raaciyay in xanuunka murqaha uu hadda tagay, marka laga reebo in laga dareemayo caabuqa cunaha.
Maalmihii la soo dhaafay waxaa baraha bulshada lagu faafiyay warar sheegaya in Museveni loo wareejiyay daryeelka degdega ah ka dibna uu u dhintay dhibaatooyin la xiriira COVID-19.
Si kastaba ha noqotee, fariinta Twitter-ka, wuxuu meesha ka saaray dhammaan wararka xanta ah, isagoo sheegay inuu hadda ku sugan yahay go’doon ka dib markii laga helay COVID-19 oo uu is karantiilay, isagoo raacayo nidaamka hawlgalka ee dalka (SOPs).
7-dii Juun, madaxwaynuhu wuxuu tijaabiyay in laga helay fayraska, maalintii xigtayna wuxuu ka qaatay “fasax deg deg ah” xafiiskiisa.
“Si kastaba ha ahaatee, waxaan sameynay baaritaanno corona maanta oo ay weli ahaayeen kuwo togan. Waxaan sugi doonnaa dhowr maalmood oo kale oo aan dib u hubin doonnaa. Waxaan ku sii go’doonsanahay Nakasero. Mar labaad, waxaan kula talinayaa dhammaantiin inaad si buuxda isaga tallaashaan corona, waayeelkuna waa inay helaan kuwa xoojiya,” ayuu raaciyay.
Ururka Caafimaadka Adduunka ayaa u arkay in COVID-19 aanu hadda ahayn xaalad caafimaad oo caalami ah bishii hore laakiin waxa uu ka digay in fayrasku sii wadi doono isbeddelka.
