Mar 18 (Jowhar)-Madaxweyne Xasan Sheekh ayaa goordhow gaaray degmada Aadan Yabaal ee Gobolka Shabeellaha Dhexe, halkaasoo kula kulmi doono Saraakiisha ciidanka ee hoggaamineysa howlgalka ka dhanka ah Argagixisada.
Waxaa degmada Aadan Yabaal in muddo ah ku sugnaa Taliyaha Ciidanka xoogga dalka Jen. Odawaa iyo Guddoomiyaha Maxkamadda Ciidamada Col. Shuute iyo saraakiil kale oo halkaas ka waday dardar-gelinta howlgalada.
Sidoo kale Madaxweynaha ayaa u gudbi doona degmada Moqokori ee Gobolka Hiiraan, halkaasoo kulmi doono Saraakiisha ciidanka xoogga dalka iyo Hoggaanka Macawiisley.
Howlgalka ka dhanka ah Argagixisada ayaa la filayaa in maalmaha soo socda uu laba-jibaarmo, iyadoo maanta Muqdisho soo gaartay diyaarada aan duulilaya laheyn ee Turkiga sameeyay ee Akinci oo ka qeyb qaadan doonta howlgaladaas.
