Apr 02(Jowhar) Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa gaaray magaalada Jabuuti ee caasimadda dalka aan walaalaha nahay ee Jamhuuriyadda Jabuuti, halkaasi oo uu kula kulmi doono dhiggiisa Mudane Madaxwayne Ismaaciil Cumar Geelle.
Labada Madaxweyne ayaa kulankooda kaga wada-hadli doona xoojinta xiriirka soojireenka ah iyo iskaashiga istaraatiijiga ee ka dhexeeya labada dal, gaar ahaan dhinacyada amniga, dhaqaalaha, siyaasadda iyo adkaynta xasilloonida gobolka.
Safarkan waxaa madaxweyne Xasan ku wehlinaya xubno uu kamid yahay Wasiirka Cadaalada iyo Dastuurka dowladda Soomaaliya.
Jabuuti ayaa kamid ah dalalka sida dhow u taageera dowladda, iyadoo ciidamadooda ay kamid yihiin kuwa dalalka safka hore ee dagaalka ka dhanka ah Shabaab wax ka wada.
