Jul 31 (Jowhar.com)-Xoghayaha arrimaha dibadda ee Mareykanka Antony Blinken ayaa si cad u beeniyay in Mareykanka uu ku lug lahaa dilkii dhawaan loo geystay hogaamiyihii Xamaas Ismaaciil Haniyah. Dhacdadan oo ka dhacday dalka Iran ayaa lagu dilay Haniyah saaka.
Warar xan ah ayaa soo baxayay tan iyo markii uu dilka dhacay, iyadoo qaarkood ay farta ku fiiqeen Mareykanka inuu yahay ninka dilka geystay. Si kastaba ha ahaatee, Blinken si dhakhso ah ayuu uga hadlay eedeymahan wuxuuna sheegay warka saxda ah.
Shir jaraa’id oo uu qabtay Blinken ayuu ku yiri “Mareykanku wax lug ah kuma lahan dilka Ismaaciil Haniyeh, waxaan cambaareyneynaa dhammaan falalka rabshadaha iyo argagixisada, waxaana naga go’an inaan horumarinno nabadda iyo xasilloonida gobolka iyadoo loo marayo waddo diblomaasiyadeed. ” .
Haniyeh oo sanado badan caan ku ahaa ururka Xamaas ayaa aad u dhaliili jiray Maraykanka iyo siyaasadiisa Bariga Dhexe. Dilkan ayaa sii huriyay dabka, iyadoo taageerayaasha Xamaas ay ku baaqeen in laga aargudo dadkii falkaas geystay.
Inkastoo dowladda Mareykanka ay beenisay in weli xiisadda gobolka ay taagan tahay. Dilkan ayaa sii xumeeyay xaaladda Gaza oo markii horeba kacsaneyd, halkaasi oo dhimashada iyo dhibaatada ay ku badan tahay.
Iyadoo ay xaaladdu sii socoto ayaa waxaa muuqata in loo baahan yahay in xal diblumaasiyadeed laga gaaro arrimaha gobolka.
Mareykanka iyo saaxiibada kale ee caalamiga ah waa in ay ka wada shaqeeyaan sidii xal nabadeed loogu heli lahaa loogana hortagi lahaa dagaal iyo dhiig daata.
