Dec 31(Jowhar) Faah faahino dheeraad ah ayaa laga helayaa weerar khasaare culus dhaliyay oo saaka ciidamadda Puntland iyo Kooxda Daacish ku dhexmaray gobolka Bari.
Saraakiisha ciidamada difaaca Puntland ayaa xaqiijiyey in saaka ay dileen 8 kamid ah xubnaha kooxda Daacish oo Ajaaniib ahaa, ka dib dagaal qaraxyo ismiidaamin ah ku bioowday oo kooxda Daacish kusoo qaaday ciidanka Puntland.
Xogta la helayi ayaa tilmaameysa in Yoolka weerarka kooxdan ahaa in ay howlgalkan HILAAC iska joojiyaan, iyagoo doonayay in ay bartilmaameedsadaan hubka culus iyo Saadka ciidanka, balse laga hortagay.
Puntland ayaa qaaday Hawlgalka Ciribtirka Argagixisada, iyadoo yoolku yahay in buuraleyda 2da CAL (CalMadow & Calmiskaat) ee gobalka Barri, laga saaro kooxaha argagixiso ee ku jira, kuwaas oo kasoo horjeeda nolosha, Nadda & Horumarka shacabka Puntland, kana yimi dalal ka baxsan Soomaaliya & Afrikaba, yoolkooduna uun yahay in ay duleeyaan shacabka.
