Oct 02 (Jowhar)Madaxweynaha Jamhuuriyadda Federaalka Soomaaliya Dr. Xasan Sheekh Maxamuud ayaa guddoominaya Shirka Golaha Wadatashiga Qaranka ee Dowladda Federaalka iyo Dowlad-goboleedyada dalka oo maanta ka furmay Madaxtooyada Qaranka Soomaaliya.
Shirka waxaa diirada lagu saarayaa arrimaha doorashooyinka, xal u helida khilaafka dowladda dhexe iyo maamulada qaar iyo dagaalka ka dhanka ah kooxda Al-Shabaab.
Shirkan waxaa ka qeyb galay Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, Ra’iisul Wasaare Ku-xigeenka Xukuumadda Mudane Saalax Axmed Jamac, Madaxweyneyaasha Dowlad-Goboleedyada, Jubbaland Mudane Axmed Maxamed Islaam, Koonfur-Galbeed Mudane Cabdicasiis Xasan Maxamed, Galmudug Mudane Axmed Cabdi Kaariye, Hirshabeelle Mudane Cali Guudlaawe Xuseen iyo Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale(Madaale)
Madaxweynaha maamulka Puntland Siciid C/llaahi Deni ayaa ka maqan shirka oo wali waxaa taagan muranka kaa dhexeeya madaxtooyada Soomaaliya.
