Oct 10 (Jowhar)-Madaxda dalalka Soomaaliya, Masar iyo Eritrea ayaa ku heshiiyay in la dhiso Guddi wadajir ah oo saddex geesood ka kooban Wasiirada Arrimaha Dibadda ee dalalkaas, si ay iskaashi istiraatiiji ah uga yeeshaan dhammaan dhinacyada kala duwan ee amniga iyo iskaashiga Gobolka.
Halkan hoose ka akhriso heshiiska ay gaareen;
Saddexda Madaxweyne waxa ay hoosta ka xariiqeen inay lama huraan tahay ku dhaqanka mabaadi’da aasaasiga ah iyo tiirarka sharciga caalamiga ah; gaar ahaan ixtiraamka aan mugdi ku jirin ee madaxbannaanida, madaxbannaanida iyo wadajirka dhuleed ee dalalka gobolka;
Waxaa lagu heshiiyey in la horumariyo lana sii qoto-dheereeyo iskaashiga iyo isku-xirnaanta saddexda waddan si kor loogu qaado hay’adaha Dawladda Soomaaliya si ay uga hortagaan caqabadaha kala duwan ee gudaha iyo dibadda; iyo, in ciidanka Qaranka Soomaaliyeed loo suurtageliyo in ay ka hortagaan argagixisada nooc kasta oo ay tahay;
Waxa si qoto dheer looga wada hadlay;
Qalalaasaha Suudaan iyo saamaynta gobolka;
Xaaladda Soomaaliya marka loo eego is-bedellada gobolka ee u dambeeyay;
Arrimaha amniga iyo iskaashiga u dhexeeya Waddamada Litterral ee Badda Cas iyo Gacan-biyoodka Bab-al Mandab iyada oo la eegayo muhiimadda ugu weyn ee marin badeed oo muhiim ah;
Habka isku xidhka diblomaasiyadeed iyo dadaallada wadajirka ah ee ka dhexeeya saddexda waddan;
Waxaa lagu heshiiyey in la dhiso Guddi Wadajir ah oo Saddex geesood ah oo ka kooban Wasiirada Arrimaha Dibadda ee Ereteriya, Masar iyo Soomaaliya, si ay iskaashi istiraatiiji ah uga yeeshaan dhammaan dhinacyada
