Taliyaha Guutada 14-ka October oo lagu dilay gobolka Sh.Hoose
Apr 05(Jowhar) Wararka naga soo gaaraya gobolka Sh.hoose ayaa sheegaya in halkaasi lagu dilay taliyaha Guutada 14 Ogtoobar ee ciidanma xoogga dalka Soomaaliyeed.
Sida wararku tilmaamayaan, Gaashaanle Sare Nuur Fareey ayaa ku dhintay rasaas uu furay askari ciidanka ka tirsan.
Taliyaha ayaa la sheegay in uu la hadlaayay ciidan faylsan xiliga askariga uu rasaasta ku furayay, dowladda Soomaaliya wali kama hadal falkan.
Gaashaanle Sare Nuur Fareey oo dhawaan kusoo dhaawacmay weerarkii Shabaab ay ku qabsadeen Awdheegle, ayaa lagu dabiibay magaalada Muqdisho, wuxuuna dib ugu laabtay furimaha hore, maadaama dhaawiciisa uu fududaa balae isagoo saaka abaabulayay ciidan guluf cusub Shabaab ku qaadayay ayaa waxa uu ku baxay rasaas uu la beegsaday mid kamid ah askarta ciidanka dowladda.
Lama oga sababta rasmiga ah ee ka danbeysa dilka sarkaalkan, waxaaae jira warar sheegaya in nink dilka geystay uu si hoose Shabaab kula shaqeynayay.