Dec 16 ( Jowhar) Iska horimaad labo ciidan ayaa maalinkii labaad kasocda magaalada Ceerigaabo, kaas oo u dhaxeeya ciidamada SSCKHaatumo iyo Somaliland, ilaa hadda qoryaha culus ayaa lamaqlayaa.
Sida wararka tilmaanayaan, Dagaalka ayaa qarxay ka dib markii qaar kamid ah ciidamada SSC Khaatumo ay si qarsoodi ah u galeen magaalada maalmihii u danbeeyay, isla markaana magaalada hub la soo geliyay.
Dagaalkan ayaa sababay dhimasho iyo dhaawac, iyadoo ciidamada Somaliland ay qabteen qaar ka mid ah dagaalyahannada ku sugan xaafadaha qaarkood. Si kastaba ha ahaatee, khasaaraha rasmiga ah ayaan weli la xaqiijin
Mudooyinkii u dambeeyey xaalada magaaladan oo ay 2-da dhinacba wadagaan ayaa kacsaneyd, Dadaal nabdeed oo xoogan ayaa socday maalmihii u dambeeyey, maadaama 2-da daraf ay magaalada wada dagaan.
Madaxweynaha Somaliland ayaa shalay magacaabay xubnaha golihiisa wasiirada oo uu kasoo daray xubno kasoo jeeda deegaanada Sanaag, Sool iyo Cayn.
