Sep 23 ( Jowhar) Sida laga soo sheegay, weeraro dheeraad ah ayaa lagu qaaday Lubnaan oo ay fulinayaan ciidamada Israel, iyadoo afhayeenkoodu uu sheegay in “weeraro ka hortag ah” lagu bartilmaameedsaday goobaha Xisbullah.
Saxafiyaal goobta ku sugan ayaa soo sheegaya in weerarrada lala beegsaday magaalooyin ku yaal bariga iyo koonfurta Lubnaan.
Duqeymaha ayaa lala beegsaday magaalooyinka Al-Tayri, Bint Jbeil, Hanine, Zawtar, iyo gobolka Nabatiah ee koonfurta Lubnaan, sidoo kale deegaanada ku xeeran gobolada Shaara, Harbata, iyo Hermel iyo deegaanada ku xeeran magaalooyinka Shamstar, Taria. , iyo Bouday oo ku taal bariga Lubnaan.
Milateriga Israa’iil, ayaa war naadir ah, u sheegay dadka ku nool Lubnaan inay ka fogaadaan waxa ay ugu yeereen bartilmaameedyada Xisbullah, maadaama ay sheegeen inay qaadi doonaan weeraro kale oo hor leh.
“Waxaan kula talineynaa dadka rayidka ah ee ka soo jeeda tuulooyinka Lubnaan ee ku yaala iyo kuwa ku dhow dhismayaasha iyo meelaha ay Xisbullah u adeegsato ujeedooyinka milatari, sida kuwa loo isticmaalo in lagu kaydiyo hubka, inay si degdeg ah uga guuraan dariiqa waxyeellada si ay u badbaadiyaan naftooda,” afhayeenka milatariga Daniel Hagari ayaa u sheegay suxufiyiinta.
