Feb 15 (Jowhar)-Kooxaha Xamaas ee Gaza ayaa ku dhawaaqay inay doonayaan inay sii daayaan saddex la haystayaal berrito, ka dib shuruudaha lagu dejiyay heshiiskii xabbad joojinta ee Israel.
Sida ay sheegtay Xamaas, la-haystayaasha ayaa kala ah Iair Horn, Sagui Dekel-Chen oo u dhashay Maraykanka iyo Israa’iil, iyo Alexandre Sasha Troufanov oo u dhashay Ruushka iyo Israel.
Ku dhawaaqistan ayaa timid ka dib dhowr maalmood oo hubanti la’aan ah oo ku xeeran waarta xabad joojinta bishii hore, iyadoo ay socdaan dadaallo dhexdhexaadin ah oo ay wadaan wakiilada Masar iyo Qatar si loo ilaaliyo heshiiska.
Bayaan ka soo baxay xafiiska ra’iisul wasaare Benjamin Netanyahu ayaa lagu muujiyay in Israel ay aqbashay liiska la haystayaasha.
Bishii la soo dhaafay, kooxda xamaas ah ayaa ballan qaaday in ay sii daayaan 33 la haystayaal Israel ah, oo ay ku jiraan haween, carruur, iyo rag waayeel ah, si ay u sii daayaan boqollaal maxaabiis falastiiniyiin ah, halka ciidammada Israel ay ka bixi doonaan meelo ka mid ah Gaza.
Xabbad-joojintan ayaa loogu talagalay in lagu gogol xaaro wejigii labaad ee doodaha looga gol lahaa in lagu sii daayo la haystayaasha hadhay iyo dhamaystirka ka bixitaanka Israel ka hor inta aan si dhammaystiran loo xallin colaadda iyo dib u dhiska Qaza.
Walaaca ku saabsan jiritaanka heshiiska ayaa sii xoogeystay ka dib hadalkii madaxweynaha Mareykanka Donald Trump ee u ololeynayay in Falastiiniyiinta laga raro Gaza, dhulkaasna loogu wareejiyo Mareykanka si dib u dhis loogu sameeyo.
Sii daynta la haystayaasha Israa’iiliyiinta ayaa siisay gurmad ay aad ugu baahnaayeen qoysaska labada dhinac ee dirirtu dhexmartay.
Si kastaba ha ahaatee, xaaladda daciifka ah ee maxaabiista la sii daayay usbuucii hore ayaa ka careysiisay gudaha Israa’iil iyo meelo ka baxsan.
Laanqeyrta cas ayaa ka dhawaajisay walaac ku saabsan wanaagga dadka weli ku xiran Gaza.
