Oct 29 (Jowhar)-Madaxweyne Xasan Sheekh ayaa caawa kulan casho sharaf ku martiqaaday Xildhibaannada labada Aqal ee Baarlamaanka Federaalka, iyadoo shirka Madasha Wadatashiga Qaran uu natiijo la’aan yahay, kaddib markii uu shirka isaga baxay Madaxweynaha Jubbaland Axmed Madoobe, taasoo dib u dhigtay go’aano doorasho oo la soo saari lahaa ka hor inta aan la soo xirin Kalfadhiga Baarlamaanka.
Ilo ku dhow dhow Madaxtooyada ayaa sheegaya in Madaxweynaha uu ka codsan doono Xildhibaannadda in muddo bil ah lagu daro kulamada kalfadhiga Baarlamaanka oo la filayo in dhowaan la soo xiro.
Lama oga waxa ay baarlamaanka ka yeeli doonaan dalabka uu soo gudbin dooni madaxweynaha, xili xildhibaano labada aqal ah oo ka soo jeeda Puntland ay ku sugan yihiin Garoowe.
