Aug 07 (Jowhar.com)-Xildhibaan Xasan Yare oo kamid ah golaha shacabka ee baarlamaanka Soomaaliya ayaa kormeer dhiirigelin ah ku tagay jiidda hore ee deegaanada Buulo Xaaji iyo Cabdalla-Biroole.
Xildhibaanka ayaa ku boggaadiyay Guutada Birjeex ee ciidanka daraawiishta Jubbaland guulihii ay ka soo hoyeen howlgaladii dhowaan ka dhacay deegaanadaas, waxaana uu kula dardaarmay inay ka feejignaadaan dhagarta Argagixisada.
Xildhibaanka ayaa ku wareejiyay ciidanka illaa lix neef oo Geel ah, taasoo ah dhiiragelin iyo garab-istaag, waa Xildhibaanka kaliya ee illaa hadda taageero hiil iyo hooba la garab istaagay ciidanka, tan iyo wixii ka dambeeyay guulihii todobaadyo ka hor ay ciidanka soo hoyeen.
Si kastaba, Deegaanadaasi waxaa dhawaan Shabaab looga laayay dagaal yahano badan kadib weerar ay halkaasi kusoo qaadeen, Iyadoo rasaas fara badanna looga furtay.
