NISA oo sheegtay iney dishay ninkii Shabaab lacagaha uga aruurin jiray Muqdisho
Jun. 02 (Jowhar.com)-Ciidanka Hey’adda Sirdoonka iyo Nabad Sugida Qaranka ee NISA ayaa sheegay iney toogteen Horjoogihii Shabaab u qaabilsanaa lacag uruurinta ganacsatada magaalada Muqdisho.
Sida NISA ay ku sheegtay qoraal ay ku baahisay warbaahinta dowladda, Ninkaas ayaa lagu toogtay duleedka degmada Afgooye ee Gobalka Shabeellaha Hoose.
Related Posts
Horjoogahaan oo lagu magacaabi jiray Cali Raaxo ayaa Shabaab wakiil uga ahaa inuu si dhuumaaleysi ah ganacsatada iyo shacabka Muqdisho lacago uga qaado, isagoo telfoon ugu soo hanjabaya dadka magaalada.
Meelaha uu dadka ugu yeeri jiray sida dhuumaalysiga ah waxaa ka mid ah deegaannada Garas-gawaan, Gandarshe, Ceelasha Biyaha Lafoole ilaa Galka Saalimow.
Cali Raaxo wuxuu Shabaab ka mid noqday sanadkii 2014-kii, wuxuuna ilaa markaas uu u qaabilsanaa baada hantida muwaadiniinta Soomaaliyeed iyo basaasida dadka macnaha u leh bulshada, si ay u bartilmaameedsadaan koocxdaasi.
