Qoor qoor, Lafta-gareen iyo Guudlaawe oo soo gaaray Muqdisho iyo kulanka ay la leeyihiin…..

0
266

Aug 31 (Jowhar)-Madaxweynayaasha dowlad-goboleedyada ee ku aragtida ah Villa Soomaaliya ayaa shalay si gaar gaar ah u soo gaaray magaalada Muqdisho, safarkooda ayaa ku soo aaday xilli aan lagala tashan heshiiskii dhawaan dhexmaray Villa Soomaaliya iyo siyaasiyiinta ka baxay Madasha Samatabixinta.

Ilo siyaasadeed ayaa sheegaya in madaxweynayaasha ay qorsheynayaan shir ay iyagu soo abaabuleen, kaasi oo ay la yeelan doonaan Madaxweynaha Soomaaliya Xasan Sheekh Maxamuud, iyadoo diiradda lagu saari doono arrimo xasaasi ah.

Waxaa ugu muhiimsan in doorashooyinka dowlad-goboleedyada loo fasaxo, halka ay dhankooda Villa Soomaaliya kala shaqeyn doonaan doorashooyinka heer federaal.

Dhanka kale, Villa Soomaaliya ayaa shalay doorasho dadban ka qabatay magaalada Laascaanood, taas oo lagu soo saaray musharax gaar ah oo lagu tilmaamay inuu taageero u noqon karo ajandayaasha Villa Soomaaliya ee la xiriira doorashooyinka soo socda.