Salaam Somali Bank oo lacag gaareysa $100,000 Gudoonsiiyay Ganacsatada yar yar ee Magaalada Muqdisho

Dec. 05 (Jowhar.com) Salaam Somali Bank wuxuu maanta ku deeqday Maalgelin qeyb ka ah Nidaamka ‘Qardul – Xassan ka oo loogu talo galay inay ka faa’iidaaystaan Ganacsatada yaryar ee ka howlgala Gobolka Banaadir iyo Nawaaxigiisa.

Ganacsatada ka faa’iidaysatay barnaamijkaan waxay isugu jiraan Ganacasatada qeybaheeda kala duwan, sida; Bagaashleeyda, Qudaarleeyda, Daawooyinka, Dharka, Spare Parts, Qeybaha Waxbarashada, I.W.M. Taaakulayntan ay ka heleen Nidaamka Qardul-Xassanka ee bangiga ayaa ah mid ku salaysan kobcin maalgalineed oo aan faa’iido soo celineed bangiga ka rabin.

Dadkii ka soo qeybgalay Daahfurka Munaasbada Maalgaalinta oo lagu qabtay Xarunta weyn ee Bakaaro ayaa sheegay inay aad ugu farxeen maalgelinta uu Salaam Somali Bank u sameeyay waxayna si gaar ah ugu mahadceliyeen Maamulka Bangiga

Madaxa Qeybta Ganacsiga Salaam Somali Bank Ayaa faahfaahiyay Barnaamijka Maalgelinta Qardu-Xasanka walibana in Bangigu uu qorsheeyay inuu sii balaarin doono Barnaamijkan Qardul-Xassanka haday ahaan lahayd meelaha horay loo gaarsiiyay iyo Xajmiga Maalgaalinta intaba.

Ganacsatadii qeyb ka ahaa barnaamijkan Qardu-Xasanka ayaa sheegay inay sameeyeen kobac dhaqaale oo fiican, ayna xaqiijinayeen hadafkoodii horumarineed iyo dhanka shaqa abuurka Sidoo kale waxay ku bogaadiyeen doorka uu bangigu ka qaato kobcinta dhaqaalaha bulshada iyo horumarka wadanka guud ahaan.

This website uses cookies to improve your experience. We'll assume you're ok with this, but you can opt-out if you wish. Accept Read More