Soomaalida Canada oo ka carooday sii deynta gabar dishay muwaadinad Soomaaliyeed.

Nov. 16 (Jowhar.com) -Soomaalida ku nool dalka Canada ayaa dalbanaya inay caddaalad hesho gabar Soomaali ah oo Shantii bishan lagu dilay magaalada Saskatoon ee dalkaasi Canada.

Gabadha Soomaalida ah ee la dilay oo lagu magacaabi jiray Hodan Xaashi oo 23 jir eheyd waxaa dilkeeda ka danbeysay gabar u dhalatay dalkaasi, iyadoo dilkeeda u adeegsatay sheey la garan la’ yahay oo ay dhuunta uga dhufatay, taasoo dhiig badan ka keentay.

Qofka lagu eedeeyay dilka ayaa markii dambe dammaanad lagu sii daayay, taasoo ka careysiisay bulshada Soomaalida oo hadda qorsheynaya dibad bax ay caddaalad ku dalbanayaan.

19-ka bishan oo Sabtida ku beegan ayaa loo balansan yahay isu soo bax weyn oo duco iyo cadaalad u raadinta Hodan Xaashi ah, iyadoo dowladda Canada wali aysan wax war ah ka soo saarin kiiskan.

Hodan Xaashi ayaa ku dhalatay magaalada Ottawa ee dalkaasi Canada, iyadoo danbiilaha dilkaasi loo heysto lagu sii daayay damaanad lacag Shan kun oo doolar ah, iyadoo arrintaasi ay tahay mida bulshada Soomaalida ka careysiisay

This website uses cookies to improve your experience. We'll assume you're ok with this, but you can opt-out if you wish. Accept Read More