Soomaaliya iyo Canada oo ka wada hadlay gurmadka Abaaraha.

June 17 (Jowhar.com)-Ergayga gaarka ah ee Madaxweynaha u qaabilsan gurmadka abaaraha ayaa magaalada Nairobi kula kulmay mas’uuliyiin ka tirsan safaarada Canada ee magaalada Muqdisho.

Xubnaha safaaradda Kanada oo uu hoggaaminaayay xoghaya koowaad ee safaaradda ayaa warbixin ka siiyay Ergayga howlaha horumarinta iyo gargaarka isugu jira ee ay ku taageeraan Soomaaliya.

Ergeyga oo dhankiisa uga mahadceliyay dowladda Canada sida ay u garab qabanayaan Soomaaliya isaga oo ka duulaya ahaanshiyaha Canada ee deeqbixiyaha afaraad ee dhaqaalaha ugu badan ugu deeqay Soomaaliya guga 2022.

Ergeyga ayaa marka laga tago kordhinta deeqda kala hadlay haddii qeyb ka mid ah dhaqaalaha horumarinta loo weecin karo howlaha gargaarka bini’aadannimo iyo abaaraha iyaga oo intaas ka dib ka wada hadley siyaalaha kala duwan ee ay Safaaraddu gacan uga geysan karto sare u qaadidda wacyiga iyo muujinta sawirada dhabta ah ee heerka Abaarta iyo sidoo kale saameynta guud ee Kanada ku yeelan karto hayadaha iyo waddama laga filan karo in ay gacan ka geystaan Abaarta.
Dhammaad

This website uses cookies to improve your experience. We'll assume you're ok with this, but you can opt-out if you wish. Accept Read More