Taliska Booliska oo war ka soo saaray gawaari xamuul oo Al-Shabaab gubeen

Afhayeenka Ciidanka Booliska Soomaaliyeed Dhamme Sadiiq Aadan Cali ayaa ku eedeeyay Al-Shabaab in xalay ay gubeen todobo gaari oo xamuul ay leeyihiin dad shacab ah.

Al-Shabaab ayaa gaadiidkan xamuulka ku gubay deegaan ka tirsan Gobolka Bakool, waxaana gaadiidkan ay ka baxeen Beledweyne, waxayna ku sii jeedeen degmada Xudur.

“Xalay abaare 08:00 fiidnimo ayeey Argagixisadu ku gubeen 7 gaadiid ah oo nuuca xamuulka qaada ah bananka hore ee Tuulada EMED KOOREEY ee Gobolka Bakool, gadiidkaan oo ay lahayeen isla markaana u rarnaa dadka shacabka ah, ayaa ka soo baxay Baladweyne kuna sii jeeday Xudur”ayuu yiri Afhayeenka Ciidanka Booliska.

Al-Shabaab ayaa muddo sanado ah go’doominaya degmooyin ka tirsan Gobolada Baay iyo Bakool, waxayna jareen waddooyinkii sahayda u mareysay, waxaana degmooyinka qaar ka jira xaalado nololeed, iyadoo sahayda iyo raashinka lagu geeyo diyaarado.

This website uses cookies to improve your experience. We'll assume you're ok with this, but you can opt-out if you wish. Accept Read More