Turkiga oo ku wareejiyay gaadiid dagaal ciidamada dowlada Soomaaliya

Dowladda turkiga waxaa ay ku wareejisay Gaadiid dagaal iyo agab kale Dowladda Federaalka ah ee Soomaaliya gaar ahaan Wasaaradda Gaashaandhiga Xukuumadda Soomaaliya.

Gaadiidkaan oo ah nooca kuwa Gaashaan ayaa waxaa loogu talo galay inay ku howlgalaan Ciidanka Kumaandooska Xoogga Dalka ee Gorgor, kuwaas oo dagaal adag kula jira Al-Shabaab.

Munaasabadda wareejinta ayaa waxaa ku sugnaa Saraakiil ka tirsan Wasaaradda Gaashandhigga iyo taliska Ciidanka xoogga dalka Soomaaliyeed, iyaga oo dowladda turkiga uga mahad celiyay gaadiidkaan lagu wareejiyay.

Mas’uuliyiinta ka socday dowladda Turkiga ayaa dhankooda waxaa ay sheegeen in Gaadiidkaan loogu talo galay inay ku Shaqeeyan Ciidanka Kumaandooska Gorgor, isla markaana uga qyeb qaataan howlgallada ka dhanka ah Al-Shabaab.

Dowladda Turkiga ayaa waxaa ay kamid tahay dowladaha taageera Soomaaliya, waxaana ay u tababartay Ciidamo farabadan, sidoo kale dhowr jeer ay siisay Soomaaliya Gaaadiid iyo hub farabadam.

This website uses cookies to improve your experience. We'll assume you're ok with this, but you can opt-out if you wish. Accept Read More