Wararkii ugu dambeeyay ee cudurka Covid-19 oo dad ugu dhinteen dalka Soomaaliya

Cudurka Covid 19 ayay dad ugu dhinteen qaar ka mid ah magaalooyinka Soomaaliya 24kii saacadood ee ugu dambeysay iyadoo Wasaarada Caafimaadkuna bilowday inay kordhiso ololaha tallaalka cudurka Covid 19.

Warbixin ay soo saatay Wasaarada Caafimaadka dowlada federalka ayaa lagu sheegay in 24 saac ee ugu dambaysay laga baaray COVID-19 guud ahaan wadanka: 1,214 lagana helay dad gaaray 92 ruux. Sidoo kale wasaarada ayaa sheegtay in lix ruux ay u geeriyoodeen cudurkan iyadoo saddex ka mid ah ay ku dhinteen caasimada dalka halka saddexda kalana gobolada dalka ay ku dhinteen.

Wasaarada Caafimaadka ayaa sheegtay in cudurka Covid 19 uu mar saddexaad soo labakacleeyay loona baahan yahay in laga digtoonaado.

Dr.Fawziya Abiikar Nuur,Wasiirka Caafimaadka dowlada federalka ayaa ballanqaaday in Wasaardda Caafimaadka ay dardargelin doonto xal u helidda caqabadaha la xiriira gaar ahaan dhanka oxygen ka oo la filiyo inay dalka imaan doonaan warshaddo sameeya oxygen ka kuwaas oo laga dhisi doono Isbitaalada Dowladda ee Magaalada Muqdishu iyo kuwa Gobollada, balsa inta ka horeysa, Wasiiraddu waxay ku baaqday in Dowlaada iyo Ganacsatadda Soomaaleyeed loo bahanyahay inay iska kaashadaan ka jawabidda baahiyaha imaan kara, silamida iskaashiyadii hore ee guuleystay ee caawinta Mujtamca Soomaaliyeed.

Dhinaca kale dowlada federalka ayaa la soo gaarsiiyay 302,400 talaalka Johnson & Johnson ee COVID-19. Tallaalkan waxaa Soomaliya ugu deeqday Dowladda Mareykanka iyada oo soo marisay xarunta COVAX (CEPI, Gavi, UNICEF, WHO).

This website uses cookies to improve your experience. We'll assume you're ok with this, but you can opt-out if you wish. Accept Read More