Weriyaal lagu xirey iyagoo warbixino u tegey saldhigga Degmada Kaxda
Wariyeyaal howlo shaqo u aaday degmada Kaxda si ay uga soo warbixiyaan dhacdadii xalay ka dhacday degmadaas ayaa Ciidamo ka tirsan Booliska Haramcad ay xarig iyo jirdil u geysteen, iyadoo inta indhaha iyo garba-duub loo xiray xabadka dhulka loo dhigay.
Weriyaasha ayaa waxaa ka mid ah Agaasimaha Five TV ee Muqdisho Aweys Mohamud Jilacow iyo sawirqaade ka tirsan Five TV , iyadoo jirdil xooggan u geystay Ciidamada Haramcad, xilli maanta uu howl shaqo ay u tageen saldhigga Degmada Kaxda. Ciidamada ayaana illaa iyo hadda haysta Agaasimaha.
Sidoo kale waxaa wehlinayay wariyaal ka socda xarumaha warbaahinta ee Somali Cable iyo Dalsan TV.